Ստեփանավանի բժշկական կենտրոնում և պոլիկլինիկակայում ներդրվել է հերթերի կառավարման էլեկտրոնային համակարգ
Ստեփանավանի բժշկական կենտրոնը գրում է․
Հարգելի՛ համաքաղաքացիներ, տեղեկացնում ենք, որ Ստեփանավանի բժշկական կենտրոնում և պոլիկլինիկակայում ներդրվել է հերթերի կառավարման էլեկտրոնային համակարգ։
Սպասասրահում տեղադրված է հատուկ տերմինալ (սարք), որտեղից քաղաքացին ընտրում է անհրաժեշտ ծառայությունը կամ բժշկին և ստանում հերթի կտրոն:
Տեղադրված էկրանների միջոցով պացիենտները տեսնում են իրենց հերթի համարը, ինչը թույլ է տալիս հանգիստ սպասել՝ առանց դռների մոտ հերթ պահելու:
Համակարգը փոխկապակցված է «ԱՐՄԵԴ» էլեկտրոնային առողջապահության հարթակի հետ: Սա նշանակում է, որ առցանց հերթագրված պացիենտները և տեղում կտրոն վերցրածները ներառվում են մեկ միասնական ցուցակում:
Ստեփանավանի բժշկական կենտրոնում հերթերի կառավարման էլեկտրոնային համակարգի ներդրումը կարևոր քայլ է սպասարկման որակի բարձրացման ամենօրյա աշխատանքում:
Մենք հոգ ենք տանում ձեր առողջության և հարմարավետության մասին։