Բովաձոր տանող հիմնական ճանապարհը ժամանակավորապես փակ է

Լոռի Բերդ համայնքի Բովաձոր բնակավայրի սիրելի' բնակիչներ️,

Տեղեկացնում ենք, որ ներկայումս ընթանում են Բովաձոր բնակավայր տանող ճանապարհի ասֆալտապատման և Բովաձորի կամրջի հիմնանորոգման լայնածավալ աշխատանքներ։

Աշխատանքների իրականացմամբ պայմանավորված` Բովաձոր տանող հիմնական ճանապարհը ժամանակավորապես փակ է։

Այլընտրանքային երթևեկությունը կազմակերպվել է Լոռի Բերդ–Բովաձոր դաշտամիջյան ճանապարհով։

Համայնքապետարանի կողմից իրականացվել են նաև հարթեցման աշխատանքներ՝ հնարավոր անհարմարությունները նվազեցնելու նպատակով։

Համայնքապետարանը շարունակում է հետևողականորեն վերահսկել աշխատանքների ընթացքը՝ որակի և ժամկետների ապահովման համար։

Շնորհակալ ենք Ձեր ըմբռնման և համբերության համար։

Հարգանքներով` Լոռի Բերդի համայնքապետարան