Աջակցություն գյուղատնտեսությանը. պարարտանյութերի ձեռքբերման 2026թ. ծրագիրը մեկնարկում է

Ստեփանավանի համայնքապետարանը գրում է․

ՀՀ կառավարությունը հաստատել է գյուղատնտեսական տնտեսավարողներին մատչելի գնով պարարտանյութերով ապահովելու աջակցության ծրագիրը:

Ի՞նչ արժեքով կարելի է ձեռք բերել պարարտանյութը

Պետությունը սուբսիդավորում է պարարտանյութի վաճառքի գինը, որպեսզի շահառուի համար 50 կգ-անոց 1 պարկի արժեքը կազմի ընդամենը 8,000 դրամ:

(Պետության կողմից փոխհատուցվող գումարը կազմում է մինչև 3,000 դրամ՝ յուրաքանչյուր պարկի համար):

Ովքե՞ր կարող են օգտվել ծրագրից

Ֆիզիկական և իրավաբանական անձինք, անհատ ձեռնարկատերեր:

Աջակցությունը տրամադրվում է մինչև 30 հեկտար հողատարածքում մշակություն իրականացնելու համար:

Պարարտանյութերի տեսակները և չափաքանակները (1 հա-ի հաշվով)

Ազոտական (սելիտրա) – մինչև 500 կգ

Կարբամիդ – մինչև 400 կգ

Ֆոսֆորական – մինչև 300 կգ

Կալիումական – մինչև 200 կգ

Ամոֆոս / Նիտրոամոֆոսկա – մինչև 300 կգ

Կարևոր ժամկետներ շահառուների համար

Մինչև մայիսի 20-ը – Դիմել համայնքապետարան:

Մինչև հուլիսի 15-ը – Պարարտանյութերի վաճառքի իրականացում:

Ի՞նչ փաստաթղթեր են անհրաժեշտ դիմելիս

Անձը հաստատող փաստաթուղթ (կամ պետական գրանցման վկայական):

Հողամասի սեփականության վկայական կամ վարձակալության պայմանագիր:

Եթե հողամասը փաստացի օգտագործվում է առանց վկայականի՝ վարչական ղեկավարի տրամադրած տեղեկանքը:

Համասեփականատերերի առկայության դեպքում՝ նրանց գրավոր համաձայնությունը:

Ինչպե՞ս կատարել վճարումը

Վճարումն իրականացվում է անկանխիկ եղանակով՝ համայնքի համար բացված հատուկ գանձապետական հաշվեհամարին:

Ծրագրի մանրամասներին կարող եք ծանոթանալ հետևյալ հղումով՝ https://www.arlis.am/hy/acts/224082/latest :